الجنوط مش مجرد روشنة!

محمد صلاح أحمد19 ابريل 2012 - 21:52
عدد القراءات
عدد التعليقات
2
 
 
 
 
الجنوط نوعان.. عادي ورياضي.. وجنط عربيتك مش بس بيعبر عن شخصيتك ولا بيخلي شكل عربيتك روش.. لكن لكل نوع من أنواع الجنوط مزايا وعيوب علشان تعرفها لازم الأول تتعرف علي المهندس أحمد محسن..

والمهندس أحمد محسن مدير ورشة في توكيل عربيات كبير جدا مش هانقدر نقول عليه علشان ميبقاش اعلان
المهندس أحمد محسن بيقول:الجنط العادي هو الحديد لكن الجنط الرياضي هو اللي لونه رمادي أو فضي .. لكن إيه الفرق بين الاثنين؟
الجنط الرياضي بيتكون من سبيكة معدنية معظمها من الألومنيوم والأنتيمونيا وبيركب عليه اطارات عريضة مقاسها أكبر من 185 ملليمتر، لكن الجنط العادي بيتركيب عليه اطارات مقاسها أقل من 185 ملليمتر حسب المقاس الاستاندرد في العربيه، وده بيدي ثبات أعلي للعربيات اللي بتستخدم الجنوط الرياضية خصوصا في السرعات العالية.

المهندس أحمد محسن

ومن المزايا المهمة في الجنوط الرياضية أن فيها فتحات كبيرة بتساعد علي دخول كمية كبيرة جدا من الهوا والعربية ماشية فتقلل حرارة تيل الفرامل والطنابير (الديسكات) – اللي بتكون درجة حرارتهم عالية جدا نتيجة احتكاكهم ببعض لما بندوس علي الفرامل– ومعني كده إن درجة حرارة الاطارات  والتيل والطنابير بتكون مش كبيرة وده بيخلي أداء الفرامل أحسن.. لكن في الجنوط العادية بتكون فتحات التهوية صغيرة فيدخل هوا قليل غير كافي لتبريد التيل والطنابير وساعتها تقل كفاءة عمل الفرامل في درجات الحرارة العالية.
جنوط

جنوط

في حالة إن الجنط اتخبط خبطة جامدة نلاقي الجنط الرياضي مش بيتأثر لكن الجنط العادي ممكن يتعوج شوية .. لكن لو الخبطة جامدة جدا الجنط الرياضي بيتكسر أو بيتعوج والجنط العادي بيتعوج جامد.. المهم ان الجنط العادي مهما استعدلناه بيفضل فيه عيب لأنه بيستعدل بالكتير بنسبة 50 % لكن الجنط الرياضي بيستعدل بنسبة 80% ولو كان مكسور ممكن يتلحم .. لكن لازم نعرف ان تكاليف تصليح الجنط الرياضي أكتر بكتير جدا من الجنط العادي.
جنوط

و الجنط  الرياضي أغلي من الجنط العادي ساعات بأكتر من 4 أضعاف، وكمان شكله أحلي ووزنه أخف بكتير من الجنط العادي.
وفي الآخر من أهم الحاجات اللي بتميز الجنط الرياضي عن الجنط العادي أنه مش بيصدي لأنه مش حديد وبكده نضمن ان الصدا مش هيتنقل لأسلاك الكاوتش لو مكشوفة وكمان نضمن انه مش هيحصل له تآكل من الصدا.


رابط دائم:
 
البريد الالكترونى
   
الاسم
 
عنوان التعليق
 
التعليق
2
ابو العز
4/27/2012
11:02 PM
0-
0+
نصيحة نصوح ..
يجب الالتزام بدقة بمعايير السلامة التي تضعها الشركة الصانعة وعدم مخالفتها حفاظا على السلامة ...
البريد الالكترونى
 
الاسم
 
عنوان التعليق
 
التعليق
1
fakhry
4/23/2012
11:12 AM
0-
1+
مزاية اخرى
خفة الوزن زاءد تبريد اكثر للكوتش وشكر على معلوماتك يا بشمهندس احمد
البريد الالكترونى
 
الاسم
 
عنوان التعليق
 
التعليق